Tuesday, 24 September 2013

පීස්ස දිය ඇල්ල - ලුණුගල

පීස්ස දිය ඇල්ල වුකලී බදුල්ල දිස්ත්‍රික්කයේ, ලුණුගල ප්‍රාදේශිය ලේකම් කොට්ඨාශයට අයත් අඩි 200 ක් පමණ උස්වු දිය ඇල්ලකී. මෙම දිය ඇල්ල පස්සර නගරයේ සිට ලුණුගල මාර්ගයේ කිලෝමීටර් 10 ක් පමණ පැමීණිමෙන් පසුව හමුවන පීස්ස මං සන්දියේ සිට දකුණු අත දෙසට ඇති කාපට් යෙදු මාර්ගයේ කිලෝමීටර්  4 1/2 ක් පමණ ගොස්, එහිදි හමුවන පඩිපෙලක් ආධාරයෙන් කන්ද බැස එහිදී ද හමුවන කොන්ක්‍රීට් ඇල මාර්ගය දිගේ දකුණ දෙසට ගොස් හමුවන කුඩා විදුලි බලාගාරය ආසන්නයෙන් ගොස්, ඇල මාර්ගය නිසා කඩා හැලෙන කුඩා දිඇල්ල (අඩි 20 ක් පමණ උස) ආසන්නයේ ඇති පඩිපෙල දිගේ නැවත කන්ද පහලට යායුතු අතර, එම පඩි පෙල අවසන් වන්නේ පීස්ස දිය ඇල්ල ආසන්නයෙනි.

මෙම පීස්ස දි ඇල්ල වර්තමානයේ ප්‍රසිද්ධියට පත්වන්නේ ශ්‍රී ලංකාවේ ප්‍රථම අගමැති ගරු ඩි. එස්. සේනානායක මැතිතුමාගේ රජය මගින් ගග හරස් කර වාරි කර්මාන්තයක් "පීස්ස" නමින් ක්‍රියාත්මක කරවීමෙන් පසුවයි.

ඉතා අලංකාර දිය ඇල්ලක් වන මෙය නැරඹිම සදහා ඌව පලාතේ සංචාරක අමාත්‍යාංශය විසින් ආරක්ෂිත නැරඹුම් අට්ටාලයක්ද සදා ඇත. දිය ඇල්ල පිහිටි පර්වයේ මැද ගල් ලෙනකී. එය සෘෂි ලෙන වශයෙන් හැදින්වේ. එහි පුරාණ කාලයකදී හිමාල‍ වනයේ සිට පැමිණි සෘෂිවරයෙක් මෙහි වාසය කල බවට ජන ප්‍රවාදයේ කියැවේ.

ඡායාරූප ගන්නා ලද්දේ 2013.08.16 දිනයි.


පීස්ස දිය ඇල්ල

පීස්ස දිය ඇල්ල

පීස්ස දිය ඇල්ල

පීස්ස දිය ඇල්ල

නරඹුම් අට්ටාලය

දිය ඇල්ල වෙත පිවිසීමට ඇති මාර්ගය

දිය ඇල්ල වෙත පිවිසීමට ඇති මාර්ගය

වේවැල් පදුරක්

ජල උල්පතක්

දිය ඇල්ල වෙත පිවිසීමට ඇති මාර්ගය

පීස්ස ගම විදුලි බලාගාරය

පීස්ස ගම විදුලි බලාගාරය

පීස්ස ගම විදුලි බලාගාරය

දිය ඇල්ල වෙත පිවිසීමට ඇති මාර්ගය

ශ්‍රී මුරුගන් කෝවිල, කෙසෙල් වත්ත

සුමනපාල මහතා
072 8579332



No comments:

Post a Comment